Mən bayaq həqiqətən bu xəbəri eşidəndə şoka düşdüm.İnanmadım bu qədər də rejimin,hər kimin əli var bu məsələdə onların xalqa qarşı laqeyidliyini heç ağlıma belə gətirə bilmədim.O zaman çox pis oldum həqiqətən.Bloq yazacağıma söz verdim.Və o zaman məndə yaranmış fikirləri qeyd edə bilmədiyimə görə indi ola bilər ki həmin zaman fikrimdəkiləri indi tam ifadə edə bilməyim amma çalışacam ki bütün düşüncələrimi və bu gün ərzində bununla bağlı qarşılaşdığım hadisələri sizə çatdırım.
Səhər-səhər bu hadisəni eşidib əsəbləşdim.Getdim Nefçilərə metroya endim.Və bir manat atdım kartıma 4 gediş yükləndi.Mən karta gediş yükləyərkən başladım uca səslə gileylənməyə.Yanımda kartına gediş vuran oğlan mənə tərəf çevrilib: -aa doğurdan gedişhaqqı artıb? Dəhşətə gəldim...Düşündüm ki bu insanın gözləri zəifdir,yoxsa ağlı çatışmır?Ən azından kartı yükləyərkən manitora baxsa görərdi ki nə baş verib.Mən yenə başladım gileylənməyə.Bir yaşlı hardasa 45-50 yaşında bir xanım gözlərimə baxa-baxa utanmırsan,dövləti yeyəssəəəən?-dedi əlim ayağım qırılsa ondan yaxşıydı.Susdum dilim söz tutmadı.Kartımı götürüb metroya düşdüm.Hələ inanın ki orda bu gün neçə nəfər artıq 20 qəpikdən kartına keçid yükləmişdi amma xəbəri yox idi.Nəsə buna da fikir vermədim.
Bu gün sanki əvvəlki günlərdən daha çox adam vardı.Sanki hamının simasında təbəssüm vardı.Bəlkədə mənə acıq gəlsin deyə hamı gülümsəyirdi.Hamı sanki xoşbəxt idi qiymətlərin artırılmasına görə.Çox pərt oldum hamının üzündə bu təbəssümü görüncə.Gəldim evə sakitləşə bilmədim bütün əllərim əsir.İndi isə Avropa Az radiosuna qulaq asırdım.Və bir mesaj yazdım ki bayramınızı təbrik edirəm bü gün metro gedişhaqqının qiyməti artdı.Mənə nə cavab gəlsə yaxşıdır??? Yaxşı oğlan 5 qəpik söhbəti eləməz.Bu nə həyatdır belə xalq etiraz etmək əzmini itirib.Əzilməyə öyrəşib ona görə də əzirlər bu xalqı.Niyə əzilirsiniz axı mənim sevgili xalqım.Mənim ailəmdən belə çox sevdiyim xalqım axı niyə əzilək ki bu vəhşi meşə heyvanlarına.Bəyəm bizim mənliyimiz,şəxsiyyətimiz yoxdur?Bəyəm biz ömür boyu əzilməyə məhkumuq?Qalx ayağa mənim MƏRD xalqım,mənim qorxmaz xalqım,mənim yatmış ŞİR xalqım.Qalx ayağa ya AZAD ol ya TAMAM yan Azərbaycan.Belə yaşayış olar?Belə gənclik olar?Belə millət olar?Qalx ayağa mənim xalqım artıq bu qiymətlərin artımı bizə bir stimuldur oyan mənim mərd xalqım.
Mən burdan səslənirəm Azərbaycanda hakimiyyəti,rejimi,qanunverici orqanları təmsil edən insanlara,qurumlara: -Ey yiyəsini yıxmış başsız atlı sən nə vaxta kimi bu xalqın mübarizə əzmini məhv edəcəksən?Nə vaxta kimi bu milləti alşaldacaqsan?Nə vaxta kimi gəncliyimizi,tələbələrimizi təhqir edəcəksən?Nə vaxta kimi məni təhqir edəcəksən,nə vaxta kimi mənim gənclik illərimi əlimdən alacaqsan,nə vaxta kimi ailəmi zülüm çəkməyə vadar edəcəksən,nə vaxta kimi atam mənim heç bir ehtiyyac şəkməməyim üçün özü rayonda ac qalacaq mənə pul göndərəcək həə???Sən mənim haqqımı niyə yeyirsən?Həə mən insan deyiləm,mən bu vətənin övladı deyiləm?Bəsdir artıq məndə insan kimi yaşamaq istəyirəm.Məndə təhsil almaq istəyirəm.Məndə əlimdə dəftər,kitab universitetə getmək istəyirəm,siyasi baxışıma görə təzyiqlərə məruz qalmamalıyam.Artıq bezmişəm Azərbaycanlı olmaqdan...Məndə dövlətimdən qayğı istəyirəm,diqqət istəyirəm.İstəmirəm ki dövlətimiz xalqımıza qarşı belə amansız,dinsiz olsun! Əgər belə hadisələr tez-tez təkrar olsa söz verirəm ki rəsmi şəkildə mətbuatın,medianın iştirakı ilə Azərbaycan vətəndaşlığından imtina edəcəm.Mən belə ölkədə həyatımı məhv etmək istəmirəm.Mən gəncliyimi məhv etmək fikrində deyiləm!
Hər birinizdən artıq dərəcədə xahiş edirəm gəlin biz susmayaq,etiraz səsimizi bildirək!
